Sebitiň ösüşiniň täze ugurlary ara alnyp maslahatlaşyldy
2026-njy ýylyň 14-nji maýynda Özbegistan Respublikasynyň Daşkent şäherinde Dünýä ykdysadyýeti we diplomatiýa uniwersitetiniň ýanyndaky Diplomatik akademiýada «Merkezi Aziýa: Sebitleýin ösüşiň täze ugurlary» atly halkara maslahaty geçirildi. Ol onlaýn görnüşinde guralyp, oňa sebitiň döwletleriniň we halkara guramalaryň wekilleri gatnaşdylar. Maslahatyň açylyşynda Özbegistan Respublikasynyň Oliý Mejlisiniň Senatynyň Başlygynyň birinji orunbasary, UWED-iň rektory S.Safoýew, BMG-niň Baş sekretarynyň Merkezi Aziýa boýunça ýörite wekili Kaha Imnadze we ÝHHG-niň wekilleri çykyş etdiler.
Maslahat dört sany esasy bölümçeden ybarat bolup, onuň birinji bölümçesinde Sebitleýin hyzmatdaşlyk we halkara gatnaşyklar: Merkezi Aziýa ýurtlarynyň dünýä syýasatyndaky ornunyň güýçlenmegi ara alnyp maslahatlaşyldy. Bu bölümde Türkmenistanyň Daşary işler ministrliginiň Halkara gatnaşyklary institutynyň rektory Gülşat Ýusupowa we beýleki Merkezi Aziýa döwletlerinden hünärmenler çykyş etdiler
Maslahatyň ahyrynda Merkezi Aziýada parahatçylygy, ykdysady durnuklylygy we goňşuçylyk gatnaşyklaryny täze derejä çykarmak boýunça netijeleri jemlediler.
Aýgözel AMANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby