SCOPUS PLATFORMASYNDA INDEKSLENÝÄN ŽURNALLARY SAÝLAP ALMAGYŇ USULYÝETINE BAGYŞLANAN MASLAHAT
2025-nji ýylyň 12-nji martynda Türkmenistanyň Döwlet energetika institutynda
«SCOPUS platformasynda indekslenýän žurnallary saýlap almagyň usulyýeti» atly
tema boýunça onlaýn görnüşinde okuw-usuly maslahat geçirildi. Maslahata sanly
ulgam arkaly ýurdumyzyň ýokary okuw mekdepleriniň, şol sanda Türkmenistanyň
Daşary işler ministrliginiň Halkara gatnaşyklary institutynyň professor-mugallymlary
hem gatnaşdylar.
Türkmenistanyň Döwlet energetika instituty tarapyndan guralan okuw-usuly
maslahat Türkmenistanyň Bilim ministrliginiň 2025-nji ýylyň 24-nji ýanwarynda
tassyklan «Ýurdumyzyň ýokary okuw mekdeplerini dünýäniň abraýly halkara
reýtingleriniň sanawyna goşmak boýunça alnyp barylýan işleri kämilleşdirmek
maksady bilen, 2025-nji ýylyň dowamynda halkara ylmy-tehniki maglumat çeşmeleri
(platformalar), olarda indekslenýän žurnallarda makalalary çap etmek, dürli
bibliometrik görkezijiler bilen bagly düşünjeleri artdyrmak boýunça okuw-usuly
maslahatlary geçirmegiň Tertibinden» gelip çykýan wezipelerinden ugur alyndy.
Çünki, milli bilim ulgamyny halkara ülňüleriniň derejesine ýetirmek wezipesi
ýurdumyzyň milli maksatnamasynyň merkezinde dur.
Ylmy-barlagyň wezipelerine laýyklykda, mugallymlaryň professional kämilligini
ýüze çykarmakda we bu ugurda ylmy üstünlikleri iş ýüzünde durmuşa geçirmekde
«SCOPUS platformasynda indekslenýän žurnallary saýlap almagyň usulyýetine»
bagyşlanan okuw-usuly maslahat oňa gatnaşyjylar üçin örän täsirli boldy.
Mährijemal MÄMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň uly mugallymy.