Sanly žurnalistika boýunça okuw maslahaty
2022-nji ýylyň 24-27-nji maýy aralygynda Türkmenistanyň Daşary işler ministrliginiň Halkara gatnaşyklary institutynda Ýewropada Howpsuzlyk we Hyzmatdaşlyk Guramasynyň Aşgabatdaky Merkezi guramasynyň hyzmatdaşlyk etmeginde Sanly žurnalistika boýunça okuw maslahaty geçirildi. Bu maslahata Türkmenistanyň Daşary işler ministrliginiň Halkara gatnaşyklary institutynyň, Halkara ynsanperwer ylymlary we ösüş uniwersitetiniň, Magtymguly adyndaky Türkmen döwlet uniwersitetiniň wekilleri we Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň Syýasy kommunikasiýa we internet žurnalistikasy hünäriniň talyplary gatnaşdylar.
Maslahata gatnaşyjylar öz materiallary bilen çykyş edip, sanly žurnalistikanyň kämillige ýetmekliginiň orny hakynda gürrüň etdiler. Mundan başga-da, her bir žurnalistiň özüniň ukyp-başarnyklary hakynda aýdylyp geçildi. Maslahata gatnaşyjylar Sanly žurnalistika boýunça gyzyklanýan soraglaryny berip, olar hakynda giňişleýin maglumat aldylar.
Uzukjemal ANNAMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.