Sanly ulgam arkaly okuw sapagy geçirildi.
2022-nji ýylyň 31-nji martynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň gurnamagynda ulag diplomatiýasy boýunça okuw sapagy geçirildi. Okuw sapagyna Türkmenistanyň Inžener-tehniki we ulag kommunikasiýalar institutynyň professor-mugallymlary we talyp ýaşlary wideoaragatnaşyk arkaly gatnaşdylar. Bu okuw sapagy «Deňze çykalgasy bolmadyk ösüp barýan döwletleriň ulag-üstaşyr mümkinçilikleri we bu babatda Türkmenistanyň öňe süren halkara başlangyçlary» atly tema boýunça geçirildi. «Türkmen Logistika» Assosiasiýasynyň başlygynyň orunbasary Sähra Amanowa, Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň uly mugallymy Perhat Çaryýew deňze çykalgasy bolmadyk döwletleriň arasynda harytlary, deňiz portlary arkaly eksport we import edilmegi bilen baglanyşykly düzgünleri kadalaşdyrýan konwensiýalaryň ähmiýeti barada çykyş etdiler. Sapagyň dowamynda talyp ýaşlar tema degişli özlerini gyzyklandyrýan soraglaryny berdiler.
Perhat ÇARYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara
ykdysady gatnaşyklary kafedrasynyň uly mugallymy