Rus dili hepdeligi öz işini tamamlandy
2023-nji ýylyň 3-nji maýynda Türkmenistanyň Daşary işler ministrliginiň Halkara gatnaşyklary institutynda Rus dili hepdeliginiň jemleýji çäresi geçirildi. Ders hepdeliginiň tamamlanmagyna bagyşlanan bu çärä institutyň Dünýä dilleri kafedrasynyň mugallymlary we institutyň talyp ýaşlary gatnaşdylar. Höwesjeň talyplar rus nusgawy şahyrlarynyň we häzirki zaman awtorlarynyň dürli temadaky goşgularyny labyzly okadylar. Talyplaryň özleriniň ýerine ýetirmeginde ýaňlanan häzirki zaman rus aýdymlary çärä aýratyn öwüşgin çaýdy. Çeper okaýyşly, aýdym-sazly çäräniň ahyrynda, gurnaýjylar rus dili hepdeliginiň çäginde geçirilen çärelere gatnaşan talyplara minnetdarlyk bildirdiler we ähli talyplary şeýle ders hepdeliklerine işjeň gatnaşmaga çagyrdylar.
Şamyrat Begenjow,
Türkmenistanyň Daşary işler ministrliginiň
Halkara gatnaşyklary institutynyň
halkara ykdysady gatnaşyklary fakultetiniň 2-nji ýyl talyby