«RAÝAT GORANYŞY» BOÝUNÇA OKUW SAPAGY GEÇIRILDI
2025-nji ýylyň 14-nji fewralynda Türkmenistanyň Daşary işler ministrliginiň Halkara gatnaşyklary institutynda mugallymlaryň we talyp ýaşlaryň gatnaşmagynda «Raýat goranyşy» boýunça okuw sapagy geçirildi. Okuw sapagyna Aşgabat şäher Raýat goranşy we halas ediş işleri müdürliginiň hem-de Aşgabat şäher ýangyn howpsuzlyk bölüminiň wekilleri gelip, sapagynyň dowamynda Türkmenistanyň Raýat goranyşynyň esasy wezipeleri, onuň guralyşynyň we işlemeginiň guramaçylyk ýörelgeleri, ýerine ýetiriji häkimiýet edaralary, kärhanalary, edaralaryň we guramalaryň ygtyýarlyklary, Türkmenistanyň raýatlary, daşary ýurtly raýatlaryň we raýatlygy bolmadyk adamlaryň raýat goranyşy babatyndaky hukuklary we borçlary, şeýle hem «Raýat goranyşy hakynda» Türkmenistanyň kanuny we onuň ähmiýeti, adatdan daşary ýagdaýlar çygryndaky kanunçylygy, döwlet syýasatynyň esasy ugurlary barada, Adatdan daşary ýagdaýlaryň merkezinde halas ediş we beýleki gaýragoýulmasyz işleri ýerine ýetirmek üçin raýat goranyşynyň birikmeleriniň şahsy düzümini ruhy hem-de psihologiki taýdan taýýarlamak barada, durmuşdaky ýaramaz täsirli, howply ýagdaýlar ýüze çykanda edaranyň hünärmenleriniň hereketleri barada giňişleýin gürrüň edildi.
Ogulsuraý GURBANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 2-nji ýyl talyby.