Pars dilini öwretmek boýunça okuw sapagy geçirildi
2026-njy ýylyň 16 – 26-njy fewralynda Eýran Yslam Respublikasynyň Aşgabatdaky ilçihanasynyň Medeniýet meseleleri boýunça geňeşçisi we «Saady» gaznasy tarapyndan guramagynda Türkmenistanyň Magtymguly adyndaky Türkmen döwlet uniwersitetinde «Türkmenistanyň ýokary okuw mekdepleriniň talyplary hem-de mugallymlary üçin pars dilini öwretmek» atly hünär kämilleşdiriş okuw sapaklary geçirildi.
40 sagatlyk okuwlary öz içine alýan, 10 günlik okuw sapaklarynda pars diliniň grammatikasy bilen birlikde Eýran Yslam Respublikasynyň we Türkmenistan ýurdumyzyň medeni gymmatlyklarynyň meňzeş taryhy köklerini öwretmekleri, her iki ýurduň hem dostlukly gatnaşyklarynyň taryhdan gözbaş alyp gaýdýandygyny görkezdi.
Okuw sapagynyň ahyrynda bolsa, oňa gatnaşan mugallymlara we talyplara Eýran Yslam Respublikasynyň ilçihanasy tarapyndan «Güwänama» gowşuryldy. Bu bolsa okuw sapagynyň täsirliligini artdyrdy.
Mahym NARMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 4-nji ýyl talyby.