10/05/2024
358
Öňüni alyş diplomatiýasy boýunça okuw sapagy geçirildi
2024-nji ýylyň 10-njy maýynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň guramagynda «Öňüni alyş diplomatiýasy» ugry boýunça «Bitaraplygyň we öňüni alyş diplomatiýasynyň bilelikdäki mümkinçilikleriniň netijeli ugurlary» atly tema boýunça okuw sapagy geçirildi. Okuw sapagyny institutyň Halkara gatnaşyklary we diplomatiýa kafedrasynyň mugallymy Aýgözel Aşirowa alyp bardy.
Okuw sapagynyň dowamynda häzirki döwürde öňüni alyş diplomatiýasynyň ähmiýeti hem-de Bitaraplygyň, şeýle-de parahatçylygy goldamakda we dünýä gurluşy babatda Birleşen Milletler Guramasynyň ýörite syýasy edaralarynyň ornunyň wajyplygy barada gürrüň berildi. Talyp ýaşlar mugallyma özlerini gyzyklandyrýan sowallar bilen ýüzlendiler.
Sona ABAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.