Öňüni alyş diplomatiýasy akademiýasynyň diňleýjileriniň onlaýn okuw sapagy geçirildi
2024-nji ýylyň 5-nji martynda Türkmenistanyň Daşary işler ministrliginiň Halkara gatnaşyklary institutynyň talyplary BMG-niň Merkezi Aziýa üçin Öňüni alyş diplomatiýasy boýunça sebitleýin merkeziniň “Öňüni alyş diplomatiýasy akademiýasynyň” onlaýn görnüşinde okuw sapagyna gatnaşdylar.
Bu onlaýn okuw sapagyna BMG-niň Merkezi Aziýa üçin Öňüni alyş diplomatiýasy boýunça sebitleýin merkeziniň wekilleri we “Öňüni alyş diplomatiýasy akademiýasynyň” diňleýjileri gatnaşdylar. Onlaýn okuw sapagynyň dowamynda oňa gatnaşyjylar özlerini tanyşdyrdylar we alyp barýan işlerini beýan etdiler.
Okuw sapagynyň dowamynda häzirki döwürde öňüni alyş diplomatiýasynyň ähmiýeti hem-de möhümligi, şeýle-de parahatçylygy goldamakda we dünýä gurluşy babatda Birleşen Milletler Guramasynyň ýörite syýasy edaralarynyň ornunyň wajyplygy barada gürrüň edildi.
Merkeziň “Öňüni alyş diplomatiýasy akademiýasynyň” diňleýjileriniň 2024-nji ýyl üçin maksatnamasyna institutymyzyň Halkara gatnaşyklary we diplomatiýa hünäriniň 1-nji we 3-nji ýyl talyplary Rejepow Rejep, Annaýew Abdykerim, Esenow Batyr we Halkara žurnalistika fakultetiniň 5-nji ýyl talyby Egirjäýewa Gurbanjemal dagylar saýlanyp alyndylar.
Batyr ESENOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň III ýyl talyby.