Onlaýn ylmy-okuw seminary geçirildi
2023-nji ýylyň aprel aýynyň 27-sine Ýagşygeldi Kakaýew adyndaky Halkara nebit we gaz uniwersitetiniň guramagynda "Dünýäniň öňdebaryjy halkara derejeli ýokary okuw mekdepleriniň sanawyna girmek üçin indekislenilýän neşirlerde ylmy işleriň çap edilmegi boýunça tejribe alyşmak" atly onlaýn ylmy-okuw seminary geçirildi. Oňa ýurdumyzyň ýokary okuw mekdepleriniň birnäçesinden şeýle hem Türkmenistanyň Daşary işler ministrliginiň Halkara gatnaşyklary institutyndan mugallymlar gatnaşdylar.
Ylmy-okuw maslahatynyň dowamynda çykyş edenler daşary ýurt neşirlerinde ylmy makalalary çap etmegiň usullary barada ýörite taýýarlanylan prezentasiýalary görkezmek arkaly giňişleýin gürrüň berdiler. Seminaryň dowamynda ýokary okuw mekdepleriniň mugallymlary özlerini gyzyklandyrýan sowallara takyk jogap aldylar.
Selbi NAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Dünýä dilleri kafedrasynyň mugallymy.
Bu barada şu ýerden
hem okap bilersiňiz: