OKUW-USULY MASLAHAT GEÇIRILDI
2026-njy ýylyň 21-nji aprelinde Türkmenistanyň Daşary işler ministrliginiň Halkara gatnaşyklary institutynda Dünýä dilleri hem-de Jemgyýeti öwreniş ylymlary kafedralarynyň guramagynda Türkmenistanyň Merkezi Aziýa döwletleriniň Baştutanlarynyň nobatdaky konsultatiw duşuşygyna başlyklyk etmegine bagyşlanan okuw-usuly maslahat geçirildi. Oňa institutymyzyň professor-mugallymlary, «Lingvo World» we «Paýhas we Parasat» we atly ylmy gurnaklarynyň agzalary gatnaşdylar. Maslahaty Dünýä dilleri kafedrasynyň uly mugallymy Çemen Baýryýewa alyp bardy.
Täsirli geçen maslahatyň dowamynda professor-mugallymlaryň we talyp ýaşlaryň dürli dillerde taýýarlan çykyşlary diňlenildi. Çykyş edenler Merkezi Aziýa döwletleriniň Baştutanlarynyň konsultatiw duşuşygynyň taryhy, onuň dowamynda gazanylan netijeler, duşuşygyň düzüminiň üýtgemegi dogrusynda çykyşlarynda bellediler.
Türkmenistan Merkezi Aziýa döwletleriniň Baştutanlarynyň nobatdaky konsultatiw duşuşygynda başlyklygy kabul etmek bilen, ýurtlaryň agzybirligini we jebisligini pugtalandyrmak, ykdysady hyzmatdaşlygy berkitmek, sebitiň daşarky maýa goýumlar we energetika, ulag, kommunikasiýa hem-de beýleki ulgamlarda iri halkara taslamalar üçin özüne çekijiligini artdyrmak üçin ähli tagallalary edýändigi bellenildi.
Sahydöwlet HÜMMETJUMAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 3-nji ýyl talyby.