Okuw maslahatynyň nobatdaky tapgyry geçirildi
2021-nji ýylyň 5-nji maýynda Türkmenistanyň Daşary işler ministrliginiň Halkara gatnaşyklary institutynyň talyplarynyň gatnaşmagynda Türkmenistanyň Bilim ministrliginiň, Türkmenistanyň Gyzyl Ýarymaý Milli jemgyýetiniň, Türkmenistanyň Sport we ýaşlar syýasaty ministrliginiň bilelikde “Türkmenistanda ýaşlar baradaky döwlet syýasatynyň 2021-2025-nji ýyllar üçin Döwlet maksatnamasyny” üstünlikli amala aşyrmak maksady bilen sanly ulgam arkaly yzygiderli alnyp barylýan okuw maslahatynyň nobatdaky sany geçirildi.
Bu okuw maslahatyny S. A. Nyýazow adyndaky Türkmen oba hojalyk uniwersitetiniň wekili alyp bardy. Ol ýaşlarda ekologiýa medeniýetini we tebigata aýawly garaýyşy kämilleşdirmegiň, döredijilik we meýletinçilik başlangyçlaryny goldamaklygyň daşky gurşawy goramakda eýeleýän orny barada gyzykly gürrüňleri aýdyp berdi. Maslahatyň dowamynda mugallymlaryň çykyşlary talyp ýaşlaryň gyzykly sowal-jogap alyşmalary bilen utgaşdy.
Dünýägözel ÇARYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara
žurnalistikasy fakultetiniň II ýyl talyby.