Okuw maslahaty geçirildi
2022-nji ýylyň 2-nji iýulynda Türkmenistanyň Daşary işler ministrliginiň Halkara gatnaşyklary institutynda «Türkmenistanyň Orta Gündogar ýurtlary bilen ykdysady hyzmatdaşlygy» atly okuw maslahaty geçirildi. Institutyň Halkara ykdysady gatnaşyklary kafedrasy tarapyndan guralan maslahata institutyň mugallymlary we “Ýaş ykdysatçylar” ylmy gurnagynyň agzalary gatnaşdylar.
Okuw maslahatda çykyş eden tehniki ylymlarynyň kandidaty, dosent, halypa mugallym Öwezmyrat Bäşimow halkara ykdysady gatnaşyklarynda Orta Gündogar ýurtlarynyň orny, bu ugurdaky dünýä tejribeleri barada gürrüň berdi. Maslahatyň barşynda talyplar çykyş eden halypa mugallyma özlerini gyzyklandyrýan sowallary berdiler.
Aýjahan GULHANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby.