Milletiň käbesi – türkmençilik ýörelgesiniň mekdebi
2021-nji ýylyň 24-nji maýynda Türkmenistanyň Daşary işler ministrliginiň Halkara gatnaşyklary institutynyň, Türkmenistanyň Zenanlar birleşiginiň Merkezi Geňeşiniň, Türkmen halysynyň milli muzeýiniň bilelikde guramaklarynda Türkmenistanyň Hormatly Prezidentiniň käbesi Ogulabat ejäniň el işi bolan nepis kürtäniň Türkmenistanyň Döwlet Medeniýet merkeziniň Döwlet muzeýine sowgat edilmegine bagyşlanan “Milletiň käbesi – türkmençilik ýörelgesiniň mekdebi” atly maslahat geçirildi.
Maslahata dürli pudaklarda zähmet çekýän zenanlar gatnaşdylar. Olar öz çykyşlarynda milletiň käbesiniň görüm-göreldesiniň bahasyna ýetip bolmajak nusgalyk mekdebine öwrülendigini hem-de ony gelejekde hem dowam etmek her birimiziň asylly maksadymyz bolmalydygyny belläp geçdiler.
Maslahata institutymyzyň talyp ýaşlary hem işjeň gatnaşyp, özleriniň keşde çekmek boýunça ukyp-başarnyklaryny görkezdiler.
Maslahata gatnaşanlar zenanlaryň ähli pudaklarda çekýän yhlasly, zähmetlerine hem-de ene-mamalardan miras galan el hünärimiziň nesilden-nesle geçmegine zenanlarymyzyň goşýan goşantlaryna sarpa goýýan Gahryman Arkadagymyzyň adyna hoşallyk sözlerini aýtdylar.
Laçyn HOJAÝEWA,
Türkmenoistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň
III ýyl talyby.