MEDIA TOPARYNA «SAGDYNLYGYŇ WE RUHUBELENTLIGIŇ MEKANY TÜRKMENISTANYŇ SPORT DIPLOMATIÝASY» ATLY OKUW SAPAGY GEÇIRILDI
2026-njy ýylyň 24-nji ýanwarynda Türkmenistanyň Daşary işler ministrliginiň Halkara gatnaşyklary institutynda şu ýylyň 11-nji fewralynda Aşgabat şäherinde geçirilýän Türkmenistanyň «Arkadag» futbol kluby bilen Saud Arabystanynyň «Al-Nasr» toparynyň arasynda AFC-2 Çempionlar ligasynyň 1/8 finalynyň ilkinji duşuşygyny şöhlelendirmek maksady bilen ýurdumyzyň ýokary okuw mekdeplerinden gatnaşjak ýörite habarçylar (media) toparynyň ýaş wagyzçylary bilen sanly ulgam arkaly nobatdaky okuw sapagy geçirildi. Oňa habarçylar (media) toparynyň agzalary sanly ulgam arkaly gatnaşdylar.
Okuw sapagyny «Sagdynlygyň we ruhubelentligiň mekany Türkmenistanyň sport diplomatiýasy» atly tema boýunça Magtymguly adyndaky Türkmen döwlet uniwersitetiniň Iňlis diliniň fonetikasy we leksikologiýasy kafedrasynyň mugallymy Mähektäç Maksadowa alyp bardy. Mugallym öz çykyşynda sport diplomatiýasynyň ähmiýeti, soňky ýyllarda ýurdumyzda geçirlen halkara sport ýaryşlary, bu işde meýletinçileriň orny barada täsirli gürrüň berdi. Şeýle-de sport diplomatiýasyny berkitmekde halkara guramalar tarapyndan alnyp barylýan işler bilen bagly käbir gyzykly maglumatlary talyplar bilen paýlaşdy.
Ylýas ŞYHYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 1-nji ýyl talyby.