Institutymyzyň çäginde ýowar geçirildi
2022-nji ýylyň 8-nji oktýabrynda Türkmenistanyň Daşary işler ministrliginiň Halkara gatnaşyklary institutynyň çäginde ýowar geçirildi. Hormatly Prezidentimiziň Diýarymyzy bagy-bossanlyga öwürmek baradaky syýasatyndan ugur alyp, bu ýowara institutymyzyň ähli talyplary işjeň gatnaşdylar.
Güýz paslynyň salkyn, güneşli howasy ýowaryň has-da ruhubelentlikde geçmegine tebigy şert döretdi. Ýowarda talyplar institutymyzy bezäp oturan baglara ideg etdiler, olaryň düýplerini agardyp, haşal otlaryny aýyrdylar, topragy has-da gurplandyrmak üçin tarp ýerleri depdiler.
Institutyň çäginde arassaçylyk işleriniň ýygy-ýygydan geçirilmegi ýurdumyzy bagy-bossanlyga öwürmek ugrunda alnyp barylýan syýasata institutymyzyň talyp ýaşlarynyň mynasyp goşant goşýandygynyň aýdyň subutnamasydyr.
Eneş ATAJANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 4-nji ýyl talyby.