Institutymyzda üme duşuşygy geçirildi
2021-nji ýylyň 1-nji dekabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň Zenanlar birleşiginiň Merkezi Geňeşiniň we Maýa Kulyýewa adyndaky Türkmen milli konserwatoriýasynyň hem-de "Miras" teleýaýlymynyň bilelikde gurnamagynda üme duşuşygy geçirildi. Oňa milli diplomatiýanyň ýokary mekdebiniň professor mugallymlary, institutymyzyň we Maýa Kulyýewa adyndaky Türkmen milli konserwatoriýasynyň talyp ýaşlary, köpçülikleýin habar beriş serişdeleriniň wekilleri gatnaşdylar.
Halkymyzyň gadymy ýörelgelerine eýerip geçirilen ümede mugallymlar we talyp ýaşlar türkmeniň medeni gymmatlyklary bolan el işleri bilen meşgul bolmaklarynyň barşynda alnyp barylan söhbetdeşlikde gadymy ene-mamalarymyzdan miras galan ýadygärliklerimiz we olaryň taryhy bilen içgin tanyş boldular. Şeýle hem bu ugurda ýurdumyzda durmuşa geçirilýän döwlet syýasaty we BMG-niň ýöriteleşdirilen edarasy bolan ÝUNESKO bilen alnyp barylýan giň gerimli halkara hyzmatdaşlygy barada pikir alyşdylar.
Türkmenistanyň Daşary işler ministrliginiň
Halkara gatnaşykary institutynyň
Halkara hukugy fakultetiniň III ýyl talyby,
Türkmenistanyň Magtymguly adyndaky Ýaşlar baýragynyň eýesi.