INSTITUTDA TALYPLARYŇ “LETS SPEAK UP” GURNAGY ÖZ IŞINI DOWAM ETDIRÝÄR
2023-nji ýylyň 2-nji martynda “Lets speak up” gurnagynyň ikinji duşuşygy geçirildi. Bu duşuşyk “Kitaplar” mowzugyna bagyşlandy. Duşuşygyň başynda gurnagyň agzalary ilki bilen mart aýynyň dowamynda iňlis dilinde okamak üçin täsirli kitaplary saýladylar. Soňra talyplar “Taboo” oýnuna gatnaşdylar. Olar “Taboo” oýunda sözüň adyny ýa-da oňa bagly başga sözi aýtmazdan saýlanan sözi çalt düşündirdiler.
Şeýle-de bu duşuşygyň dowamynda gurnagyň agzalary özleriniň halaýan zatlary hakda gürleşip, gürlemek we köpçüligiň öňünde çykyş etmek endiklerini ösdürmek mümkinçiligini tapdylar. Çykyşlaryň ahyrynda gurnagyň agzalarynyň arasynda özara pikir alyşmak we söhbetdeşlik boldy.
Sanjar GAÝYPOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň 1-nji ýyl talyby.