“Howanyň üýtgemegi çygrynda ýaşlaryň orny” atly bilelikdäki sebitleýin maslahaty
2023-nji ýylyň 21-nji noýabrynda Türkmenistanyň baýry ýokary okuw mekdepleriniň biri bolan Halkara ynsanperwer ylymlary we ösüş uniwersitetinde “Howanyň üýtgemegi çygrynda ýaşlaryň orny” atly bilelikdäki sebitleýin maslahaty geçirildi. Bu babatda Ýewropada Howpsuzluk we Hyzmatdaşlyk Guramasynyň (OSCE) Aşgabatdaky Merkezi hem Türkmenistanyň işjeň hyzmatdaş guramasyna öwrüldi. Ýokary derejede guramaçylykly geçirilen bu çärä Türkmenistanyň Mejlisiniň,Türkmenistanyň Daşary işler ministrliginiň, Türkmenistanyň Maliýe we ykdysadyýet ministrliginiň, Türkmenistanyň Bilim ministrliginiň, Türkmenistanyň Daşky gurşawy goramak ministrliginiň, Magtymguly ayndaky Ýaşlar guramasynyň, Türkmenistanyň Daşary işler ministrliginiň Halkara gatnaşyklary institutynyň, Halkara ynsanperwer ylymlary we ösüş uniwersitetiniň, Türkmen Döwlet energetika institutynyň, Ýagşygeldi Kakaýew adyndaky Halkara nebit we gaz uniwersitetiniň wekilleri sanly ulgam arkaly gatnaşdylar. Maslahat üç bölümçede alnyp baryldy:
I.Howanyň üýtgemegi meseleleri boýunça ýaşlaryň ornuny pugtalandyrmakda ÝHHG-niň başlangyçlary;
II. Merkezi Aziýada howanyň üýtgemegi bilen baglanşykly esasy meseleler;
III. Howanyň üýtgemegine garşy göreşmekde ýaşlar itergi beriji güýç.
Bu maslahat ýaşlaryň Türkmenistanyň tebigatyna täsir edýän howanyň üýtgemegi bilen bagly meseleleri ara alyp maslahatlaşmaga we olara garşy çözgüt tapmaga mümkinçilik döretdi.
Begmuhammet ORAZOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.