Hoşallyk maslahaty geçirildi
2023-nji ýylyň 29-njy aprelinde Türkmenistanyň Daşary işler ministrliginiň Halkara gatnaşyklary institutynda 2023-nji ýylyň 20-nji aprelinde geçirilen Türkmenistanyň Maslahatlar merkeziniň binasynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde Halk Maslahatynyň mejlisini halkyň arasynda giňden wagyz etmek maksady bilen hoşallyk maslahaty geçirildi. Oňa institutyň mugallymlarydyr talyplary gatnaşdylar.
Maslahatda çykyş edenler Gahryman Arkadagymyzyň agzybirlik, jebislik ýörelgesiniň ynsan kowmunyň parahat, agzybir durmuşyň owazy bolup ýüreklere ýol salýandygyny bellediler. Şeýle-de, maslahatyň dowamynda hormatly Prezidentimiziň il-ýurt bähbitli tutumly başlangyçlaryny amala aşyrmakda, nesillerde mertlik, ruhubelentlik, zähmetsöýerlik, belent adamkärçilik ýaly sypatlary terbiýelemekde ägirt uly işleriň alnyp barylýandygy barada täsirli gürrüňler edildi.
Maslahatyň ahyrynda oňa gatnaşyjar tarapyndan döredip berilýän giň mümkinçilikler üçin Gahryman Arkadagymyza, Arkadagly Serdarymyza alkyş sözleri aýdyldy.
Ogulşirin GELDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.