TÄSIRLI OKUW SEMINARY
2024-nji ýylyň 27-28-nji fewraly aralygynda Birleşen Milletler Guramasynyň Neşe serişdeleri we jenaýatçylyga garşy göreşmek Müdirliginiň (UNODC), Amerikanyň Birleşen Ştatlarynyň Halkara ösüş baradaky agentligi (USAID) tarapyndan maliýeleşdirilýän “Merkezi Aziýada howpsuz migrasiýa” taslamasy bilen bilelikde gurnamagynda Türkmenistanyň Daşary işler ministrliginiň Halkara gatnaşyklary institutynda Merkezi Aziýa ýurtlary üçin 2022-2025-nji ýyllar üçin Maksatnamasynyň çäginde global wehimler (migrasiýa howpsuzlygy, psihotrop maddalaryň ulanylmagynyň profilaktikasy we adam söwdasy) babatynda soraglaryň etiki wagyz edilmegine bagyşlanan okuw seminary geçirildi. Ýokary derejede guralan okuw seminaryna ýurdumyzyň köpçülikleýin habar beriş serişdeleriniň žurnalistleri, resmi saýtlaryň blogerleri, Türkmenistanyň Daşary işler ministrliginiň Halkara gatnaşyklary institutynyň, Halkara ynsanperwer ylymlary we ösüş uniwersitetiniň žurnalistika hünäri boýunça bilim alýan talyplarydyr mugallymlary gatnaşdylar. Okuw seminaryny özbegistanly Saida Suleýmanowa, gazagystanly Žandos Aktaýew ýaly halkara bilermenler sanly ulgam arkaly alyp bardylar.
Okuw seminarynyň esasy maksady migrasiýa howpsuzlygy, psihotrop maddalaryň ulanylmagynyň profilaktikasy we adam söwdasy ugurlarynda bilimleri artdyrmak we bular barada etiki wagyz edilmekde žurnalistika ugry boýunça milli hünärmenleriň ukyplaryny artdyrmaga gönükdirildi. Sapagyň dowamynda halkara bilermenler seminara gatnaşyjylara media etika, etikanyň halkara ýörelgeleri, habarlary ýaýratmakda žurnalistleriň we blogerleriň etikasy barada dünýä tejribesiniň mysalynda giňişleýin düşünje berdiler.
Jemile PÜRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Žurnalistikanyň nazaryýeti we amalyýeti
kafedrasynyň uly mugallymy.