«Hemişelik bitaraplyk durmuş ýörelgämiz» atly sergi-ýarmarkasy geçirildi
2022-nji ýylyň 10-njy dekabrynda Türkmen döwlet binagärlik-gurluşyk institutynyň Medeni merkezinde Hemişelik Bitaraplygyň 27 ýyllyk baýramy mynasybetli Tehnologiýalaryň transfer merkeziniň guramagynda professor-mugallymlar we talyp ýaşlar tarapyndan taýýarlanan taslamalaryň hem-de işläp taýýarlamalaryň «Hemişelik bitaraplyk durmuş ýörelgämiz» atly sergi-ýarmarkasy geçirildi. Sergide milli-mirasymyzy, medeniýetimizi, türkmen arhitekturasyny şöhlelendirýän birnäçe taslamalar görkezildi. Bu sergä Türkmenistanyň beýleki ýokary okuw mekdepleri bilen bir hatarda Türkmenistanyň Daşary işler ministrliginiň Halkara gatnaşyklary institutyndan hem talyp ýaşlar gatnaşdy.
Mähri BAÝRAMOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.