“Halkyň Arkadagly zamanasy” atly wagyz-nesihat çäresi
2022-nji ýylyň 28-nji fewralynda Türkmenistanyň Daşary işler ministrliginiň Halkara gatnaşyklary institutynda Jemgyýeti öwreniş ylymlary kafedrasynyň gurnamagynda “Halkyň Arkadagly zamanasy” atly wagyz-nesihat çäresi geçirildi. Çärä institutyň Jemgyýeti öwreniş ylymlary kafedrasynyň uly mugallymy, filosofiýa ylymlarynyň kandidaty Ogulgurban Ezimowa, şol kafedranyň uly mugallym Täçnabat Paýtykowa we institutyň talyplary gatnaşdylar.
Çäräniň başynda hormatly Prezidentimiziň “Jan Watanym Türkmenistan!” atly goşgysynyň okalmagy oňa gatnaşyjylary ruhlandyrdy. Soňra Türkmenistanyň Milli Geňeşiniň Halk Maslahatynyň mejlisinde kabul edilen kararlar bilen giňden tanyşdyryldy we Döwlet Baştutanymyzyň saýasynda ýurdumyzyň geljekki ösüş döwrüniň «Berkarar döwletiň täze eýýamynyň Galkynyşy» diýlip atlandyrylandygy bellenildi. Şol esasda hem Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasy barada giňden gürrüň edildi.
Ýaş nesilleriň röwşen geljegi ugrunda giň möçberli işleriň alnyp barylmagy ähli halkymyz bilen bir hatarda, biz - ýaşlarda çäksiz buýsanç duýgularyny döredýär. Röwşen ertirleriň eýeleri bolan ýaşlaryň her biri milli Liderimiz tarapyndan özleri barada edilýän aladany, döwletimiz tarapyndan berilýän ähli goldawlary duýup ýaşaýarlar. Duşuşygyň ahyrynda oňa gatnaşyjylar nesillere bagtyýar durmuşy peşgeş beren Gahryman Arkadagymyza çäksiz alkyş sözlerini aýtdylar.
Altyn BABYŞOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.