“HALKLARYŇ DOSTLUGY – ÝAŞLARYŇ BAGTYÝAR GELJEGINIŇ KEPILI” ATLY ÝAŞLARYŇ HALKARA MASLAHATY WE SERGISI
2023-nji ýylyň 30-njy oktýabrynda Türkmenistanyň Daşary işler ministrliginiň Halkara gatnaşyklary institutynda «Halklaryň dostlugy – ýaşlaryň bagtyýar geljeginiň kepili» atly ýaşlaryň halkara maslahaty we sergisi geçirildi. Maslahata Türkmenistanyň Bilim ministrliginiň wekilleri, ýurdumyzyň ýokary okuw mekdepleriniň professor - mugallymlary we talyp ýaşlary gatnaşdylar.
Maslahatda BMG-niň Türkmenistandaky hemişelik utgaşdyryjysy Dmitriý Şlapaçenko, BMG-niň Ösüş maksatnamasynyň (UNDP)Türkmenistandaky hemişelik wekili Narine Saakýan, ÝUNISEF-iň Türkmenistandaky wekiliniň orunbasary Aleksandru Nartea, BMG-niň Merkezi Aziýa üçin Öňüni alyş diplomatiýasy boýunça sebit merkeziniň syýasy meseleleri boýunça hünärmeni Andriý Larin, BMG-niň Ilat gaznasynyň (UNFPA) Türkmenistandaky wekilhanasynyň ýolbaşçysy Aýna Seýitliýewa, Türkmenistanyň Magtymguly adyndaky Ýaşlar guramasynyň Merkezi geňeşiniň başlygy Ýazpolat Keriýew, Türkmenistanyň Daşary işler ministrliginiň Halkara gatnaşyklary institutynyň okuw işleri boýunça prorektory Gülşat Ýusupowa, Halkara ynsanperwer ylymlary we ösüş uniwersitetiniň ylmy işler boýunça prorektory Nurmuhammet Şihlyýew, Döwletmämmet Azady adyndaky Türkmen milli dünýä dilleri institutynyň Iňlis dili kafedrasynyň müdiri, institutyň “Parahatçylyk dilleri” atly ÝUNESKO Klubynyň Geňeşiniň başlygy Çemen Wekilowa, Magtymguly adyndaky Türkmen döwlet uniwersitetiniň iňlis dili edebiýaty fakultetiniň 4-nji ýyl talyby, 2022-2023-nji ýyllar üçin “Durnukly ösüş maksatlarynyň ýaş ilçiler” bäsleşiginiň ýeňijisi Jepbarberdi Gurbanmyradow çykyş etdiler.
Maslahatda çykyş edenler ýurdumyzda ykdysady, syýasy we medeni durmuşyna ýaşlaryň işjeň gatnaşmagyny üpjün etmek, ýaş nesli watançylyk, ynsanperwerlik we zähmetsöýerlik ruhunda terbiýelemek üçin has amatly hukuk şertlerini döredilýändigi, «Ýaşlar barada döwlet syýasaty hakynda» Türkmenistanyň Kanunynyň rejelenen görnüşiniň kabul edilmeginiň ähmiýeti, şeýle-de ýurdumyzyň ýaşlar boýunça halkara hyzmatdaşlygy barada giňişleýin belläp geçdiler.
Maslahatyň ahyrynda çykyş edenler ýurtda amala aşyrylýan ýaşlar syýasatynyň hukuk binýadyny pugtalandyrmak, ýaşlaryň köpugurly mümkinçiliklerini doly amal etmegine ýardam edýän şertleri döredip berýändigi üçin Gahryman Arkadagymyza, Arkadagly Gahryman Serdarymyza sagbolsun aýtdylar.
Aýgözel AŞIROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary we diplomatiýa kafedrasynyň öwreniji mugallymy