Halkara Ýaşlar forumy öz işine başlady
2022-nji ýylyň 19-20-nji apreli aralygynda Birleşen Milletler Guramasynyň Ykdysady we Durmuş Geňeşiniň (ECOSOC) we Türkmenistanyň Sport we ýaşlar syýasaty ministrliginiň gurnamagynda halkara Ýaşlar forumy onlaýn arkaly geçirilýär. Bu ýokary derejeli duşuşyga Türkmenistanyň Sport we ýaşlar syýasaty, Bilim, Maliýe we ykdysadyýet, Zähmet we ilaty durmuş taýdan goramak ministrlikleriniň, Magtymguly adyndaky Ýaşlar guramasynyň wekilleri we Durnukly ösüş maksatlarynyň Ýaş ilçileri bäsleşiginiň ýeňijileri gatnaşdylar. Onuň esasy maksady COVID-19 keselinden soň 2030-njy ýyla çenli gün tertibiniň ýerine ýetirilişi boýunça özara pikir alyşmak boldy.
Ýaşlar forumynyň barşynda Durnukly ösüş maksatlaryna ýetmekde ýaşlara aýratyn orun degişlidigi, olaryň ýokary derejeli hünärmen bolup ýetişmekleriniň wajyplygy, şol sanda arassaçylyk we sagdyn durmuş ýörelgeleriniň ähmiýeti dogrusynda giňişleýin gürüň edildi. Şeýle hem, foruma gatnaşyjylar özlerini gyzyklandyrýan soraglar bilen ýüzlenmäge giň mümkinçilikler aldylar.
-
Meýlis HOJAMYRADOW,
-
Türkmenistanyň Daşary işler ministrliginiň
-
Halkara gatnaşyklary institutynyň
-
Halkara ykdysady gatnaşyklary fakultetiniň talyby.