“Halkara täjirçilik we maýa goýum arbitražy” atly onlaýn okuw maslahaty geçirildi
2024-nji ýylyň 10-11-nji dekabrynda Türkmenistanyň Amerikanyň Birleşen Ştatlary bilen hyzmatdaşlygynyň çäklerinde Aşgabat şäheriniň Arçabil myhmanhanasynda USAID-iň “Türkmenistanda dolandyryş işi” taslamasynyň çäginde “Halkara täjirçilik we maýa goýum arbitražy” atly onlaýn okuw maslahaty geçirildi. Bu okuw maslahatyna Türkmenistanyň Adalat ministrliginiň, Türkmenistanyň Maliýe we ykdysadyýet ministrliginiň, Türkmenistanyň Söwda we daşary ykdysady aragatnaşyklar ministrliginiň, Türkmenistanyň Ýokary kazyýetiniň, Haryt-çig mal biržasynyň wekilleri bilen Türkmenistanyň Daşary işler ministrliginiň Halkara gatnaşyklary institutynyň, Magtymguly adyndaky Türkmen döwlet uniwersitetiniň hem-de Halkara ynsanperwer ylymlary we ösüş uniwersitetiniň mugallymlary we talyp ýaşlary gatnaşdylar.
Bu geçirilen çäräniň maksady, Nýu-Ýork konwensiýasy we arbitraž şertnamalarynyň esasy düzgünleri, halkara maýa goýum şertnamalarynyň Merkezi Aziýa ýurtlary tarapyndan iş ýüzünde amala aşyrylyşy we Birleşen Milletler Guramasynyň Harytlary Halkara satmak baradaky şertnamalar konwensiýasy (CISG) barada özara pikir alyşmakdan hem-de bu ugurlarda ikitaraplaýyn hyzmatdaşlygy alyp barmakda mümkinçilikleri ara alyp maslahatlaşmakdan ybarat boldy.
Meýlis GYLYŞAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme
hukuk öwreniş kafedrasynyň mugallymy.