Halkara onlaýn maslahat geçirildi
2023-nji ýylyň 9-njy fewralynda Türkmenistanyň Daşary işler ministrliginiň Halkara gatnaşyklary institutynda Türkmenistanyň Daşary işler ministrliginiň Halkara gatnaşyklary instituty Russiýa Federasiýasynyň Günorta Federal Uniwersiteti bilen bilelikde halkara onlaýn maslahatyny geçirdi. Halkara onlaýn maslahat “Smart Technologies for Society, Government, Economy” ady bilen geçirildi.
Maslahata Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň mugallymlary Sülgün Nepesowa we Gyzylgül Gurbanmuhamedowa dagy gatnaşdy. Mugallymlar “Geljegiň ýaşyl innowasion şäheri” atly ylmy makala bilen çykyş etdiler we sorag- jogap alyşdylar.
Oňa gatnaşyjylar öz çykyşlarynda geljekde döwletleriň ýaşyl ykdysadyýeti ösdürmek we döwrebap şäherleri artdyrmak babatda sanly ykdysadyýeti ornaşdyrmaklygy talyplara maslahat bermekligi teklip etdiler.
Maslahaty geçirmegiň esasy maksady giň gözýetimli, maksada okgunly, sagdyn, innowasion tehnologiýalary dolandyrmaga ukyply ýaşlary terbiýeläp ýetişdirmek boýunça pikir alyşmakdan ybaratdyr.
Sülgün NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň mugallymy.