“HALKARA MAÝA GOÝUM ARBITRAŽY” BOÝUNÇA GEÇIRILEN ÝÖRITE OKUWLAR ÜSTÜNLIKLI TAMAMLANDY
2021-nji ýylyň oktýabr aýynda Gahryman Arkadagymyzyň sanly ulgam arkaly geçiren Ministrler Kabinetiniň giňişleýin mejlisinde ähli ugurlar, hususan-da hukuk ulgamy boýunça ýokary hünär derejeli ýaş hünärmenleri taýýarlamaga berilýän ähmiýetiniň möhümdigini hem-de bu ugurda işleriň dowam etmeginiň zerurdygyny belläp, ýaş hukukçylary taýýarlamagyň ýokary derejesiniň, olara halkara hukugy boýunça bilim berilmeginiň daşary ýurtly maýadarlar bilen ýüze çykýan jedelli meseleleri döwletiň bähbidine çözmäge ýardam etjekdigi barada hem belläp geçdi.
Häzirki wagtda hünärmenleri taýýarlamagyň derejesini ýokarlandyrmak, işini kämilleşdirmek boýunça zerur çäreler alnyp barylmak bilen onuň netijesinde Türkmenistanyň Adalat ministrligi tarapyndan ýörite Halkara arbitraž işiniň halkara we milli hukuk esaslary, halkara täjirçilik we maýa goýum arbitražlarynyň aýratynlyklary boýunça bilimlerini çuňlaşdyrmak maksady bilen taýýarlanylan “Halkara maýa goýum arbitražy boýunça” ýörite okuwlaryň maksatnamasyna laýyklykda okuwlar geçirildi. Bu ýörite okuwlara Magtymguly adyndaky Türkmen döwlet uniwersitetiniň, Türkmenistanyň Daşary işler ministrliginiň Halkara gatnaşyklary institutynyň we Halkara ynsanperwer ylymlary we ösüş uniwersitetiniň mugallymlary hem-de talyp ýaşlary gatnaşdylar.
2021-nji ýylyň oktýabr aýyndan 2022-nji ýylyň maý aýy aralygynda 6 aýa meýilleşdirilip geçirilen ýörite okuwlara gatnaşanlara “Halkara maýa goýum arbitražy boýunça” boýunça ýörite okuwlaryny üstünlikli tamamlandygy barada Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň öwreniji mugallymy Gülsenem Hommadowa, Türkmenistanyň Daşary işler ministrliginiň Halkara gatnaşyklary institutynyň Halkara hususy hukugy hünäriniň magistranty Goçberdi Amanow, institutyň Halkara hukugy fakultetiniň 4-nji ýyl talyplary Şahnoza Eminowa, Atajan Rozybaýew, Mergen Atajanow, Döwletmyrat Garajaýew, Serdar Gylyçdurdyýew, Nurmuhammet Durdyýew, 5-nji ýyl talyplary Töfe Hoşanowa, Şahnoza Ahmedowa dagylar şahadatnama aldylar.
Bu geçirilen okuw sapaklaryna mugallymlaryň we talyplaryň işjeň gatnaşmagy, olaryň halkara hukugy boýunça bilimleriniň has hem artmagyna we kämilleşmegine uly ýardam berer.
Merjen GURBANNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň uly mugallymy.