HALKARA HYZMATDAŞLYGY PUGTALANÝAR
Mälim bolşy ýaly, 2021-nji ýylyň 22-23-nji maýy aralygynda Türkiýe Respublikasynyň Ankara krizis we syýasat gözlegleri merkeziniň (ANKASAM) guramagynda göni wideoaragatnaşyk arkaly “Ösüp barýan Aziýa geosyýasaty” atly halkara maslahaty geçirildi. Maslahata dünýä döwletleriniň birnäçesinden, abraýly halkara guramalaryndan professorlar, doktorlar, şeýle hem Türkmenistanyň Daşary işler ministrliginiň Halkara gatnaşyklary institutynyň okuw işleri boýunça prorektory Gülşat Ýusupowa, institutyň Halkara gatnaşyklary we diplomatiýa kafedrasynyň uly mugallymy, f.y.k. Begenç Karaýew gatnaşdylar.
Geçirilen online maslahatynda Aziýanyň geosyýasy ösüşi, ösüp barýan Aziýanyň geosyýasatynda esasy iki sebitleýin ulgamlar bolan Merkezi Aziýanyň we Owganystan-Päkistanyň orny, sebitiň syýasy geografiýasynda global meseleler barada özara pikir alyşyldy. Maslahatyň netijeleri boýunça Türkiýe Respublikasynyň Ankara krizis we syýasat gözlegleri merkeziniň prezidenti Mehmet Seyfettin Erol tarapyndan Türkmenistanyň Daşary işler ministrliginiň Halkara gatnaşyklary institutynyň okuw işleri boýunça prorektory Gülşat Ýusupowa minnetdarlyk haty we Sertifikat gowşuryldy.
Laçyn BERDIMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň talyby.