Halkara Bitaraplyk gününe bagyşlanyp konsert geçirildi
2024-nji ýylyň 10-njy dekabrynda Türkmenistanyň Daşary işler ministrliginiň Halkara gatnaşyklary institutynda hemişelik Bitaraplygymyzyň 29 ýyllygy mynasybetli institutymyzyň jemgyýetçilik guramalary bilen Maýa Kulyýewa adyndaky Türkmen milli konserwatoriýasynyň bilelikde guramagynda aýdym-sazly dabara geçirildi. Konsertde Maýa Kulyýewa adyndaky Türkmen milli konserwatoriýasynyň talyplaryndan düzülen orkestr we aýdymçylar topary çykyş etdiler. Daşary ýurt dillerinde ýaňlanan aýdym-sazlar institutyň talyp ýaşlarynyň şowhunly el çarpyşmalaryna mynasyp boldy. Bu medeni-dynç alyş maksatly geçirilen özboluşly dabaranyň ahyrynda ýaňlanan hemişelik Bitaraplygymyzy wasp edýän aýdym bolsa Diýarymyza bolan buýsanjy goşalandyrdy we joşgunly talyp ýaşlaryň göwünlerini galkyndyrdy.
Bu baýramçylyk konsertine Türkmenistanyň Daşary işler ministrliginiň Halkara gatnaşyklary institutynyň mugallymlary we talyp ýaşlary gatnaşdylar. Konsertde Ata Watanymyzyň gözelliklerini, Bitaraplygymyzyň şanly 29 ýyllygyny wasp edýän simfoniki aýdym-sazlar ýerine ýetirildi şeýle hem, Magtymguly Pyragynyň dürdäne şygyrlaryna döredilen aýdymlar ýaňlandy.
Sanjar GAÝYPOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.