Halkara Bitaraplyk güni mynasybetli aýdym-sazly baýramçylyk dabarasy geçirildi
2022-nji ýylyň 9-njy dekabrynda Türkmenistanyň Daşary işler ministrliginiň Halkara gatnaşyklary institutynda Halkara Bitaraplyk güni mynasybetli aýdym-sazly baýramçylyk dabarasy geçirildi. Dabaraly çärä institutyň professor mugallymlary we talyp ýaşlary gatnaşdylar. Dabaranyň dowamynda şanly Bitaraplygymyzy wasp edýän goşgy setirleri belentden ýaňlandy. Soňra Türkmenistanyň Daşary işler ministrliginiň Halkara gatnaşyklary institutynyň aýdym-saz toparynyň ýerine ýetirmeginde dürli halklaryň dillerinde aýdymlaryň ýaňlanmagy we tans toparynyň çykyşlary baýramçylyk dabarasynyň şowhunyny has-da artdyrdy.
Dabaranyň ahyrynda oňa gatnaşyjylar eziz Watanymyza, bagtyýar halkymyza, wepaly, ýokary bilimli, ruhubelent ýaşlary kemala getirmekde, Garaşsyz, baky Bitarap Türkmenistanyň abraý-mertebesini ösdürmekde bimöçber aladalary edýän Arkadagly Serdarymyzyň janynyň sag, belent başynyň aman, tutýan tutumly işleriniň elmydama rowaç bolmagyny arzuw etdiler.
Ýupar EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby,
Durnukly Ösüş Maksatlarynyň Ýaş ilçisi.