“GYZYL HAÇ WE GYZYL ÝARYMAÝ HEREKETINIŇ 160 ÝYLLYGY” MYNASYBETLI DUŞUŞYK GEÇIRILDI
2023-nji ýylyň 8-nji maýynda Türkmenistanyň Daşary işler ministrliginiň
Halkara gatnaşyklary institutynda Türkmenistanyň Gyzyl Ýarymaý Milli
Jemgyýetiniň guramagynda “Gyzyl Haç we Gyzyl Ýarymaý Halkara
Hereketiniň 160 ýyllygy” mynasybetli TGÝMJ-niň işgärleriniň,
meýletinçileriň we institutymyzyň talyplarynyň gatnaşmagynda duşuşyk
geçirildi.
Duşuşygyň başynda TGMÝJ-niň Halkara hyzmatdaşlyk bölüminiň başlygy
W.Zasepin Türkmenistanyň Gyzyl Ýarymaý Milli jemgyýetiniň ýurdumyzyň
baýry ynsanperwer jemgyýetçilik guramalarynyň biri bolmak bilen, täze taryhy
eýýamda ýurdumyzda amala aşyrylýan durmuş-ykdysady özgertmelere işjeň
gatnaşyp, raýatlaryň durmuş goraglylygyny üpjün etmekde, ilatyň saglygyny
goramakda, maşgala institutynyň derejesini berkitmekde, ýaş nesli türkmen
halkynyň rehimlilik, duýgudaşlyk we ýakynyňa kömek goluny uzatmak ýaly iň
gowy däpleriniň ruhunda terbiýelemek ýaly ugurlarda alyp barýan işleri
dogrusynda giriş sözi bilen çykyş etdi.
Duşuşygyň dowamynda çykyş edenler Gyzyl Haç we Gyzyl Ýarymaý Halkara
Hereketiniň we TGMÝJ-niň taryhy barada giňişleýin gürrüň berdiler. Şeýle-de
Gyzyl Ýarymaý Milli jemgyýetiniň meýletinçileriniň Gyzyl Haç we Gyzyl
Ýarymaý Hereketiniň döreýşi barada gysga sahna görkezmek bilen dowam
etdiler.
Duşuşygyň ahyrynda çykyş eden hormatly myhman TGÝMJ-niň
“Türkmenistanda meýletinçiligi ösdürmek” taslamasynyň utgaşdyryjysy
A.Gapbarowyň çykyşy talyplar üçin hasda täsirli boldy. Ol öz çykyşynda
Türkmenistanyň Gyzyl Ýarymaý Milli jemgyýetiniň taryhyny 1926-njy ýylda
döredilenden bäri ata-babalarymyzyň wesýet eden ynsanperwerlik,
hoşniýetlilik we adalatlylyk ýaly maksatlaryna tarap ýetmekde alyp barýan
işleri barada prezentasiýalaryň we wideorolikleriň üsti bilen gürrüň berdi.
Duşuşygyň ahyrynda talyp ýaşlar myhmanlara özlerini gyzyklandyrýan
sowallar bilen ýüzlendiler.
Süleýman BARADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň
3-nji ýyl talyby.
Şeýle hem bu barada şu ýerden
okap bilersiňiz: