GÖNI WIDEOARAGANAŞYK ARKALY GEÇIRILEN IŞ DUŞUŞYGY
2022-nji ýylyň 18-nji aprelinde TDIM-niň Halkara gatnaşyklary institutynyň Strategik barlaglar boýunça ylmy merkezi bilen Ankara krizis we syýasat gözlegleri merkeziniň (ANKASAM) göni wideoaragatnaşyk arkaly iş duşuşygy geçirildi. Mejlisiň işine ANKASAM-yň başlygy Mehmet Seyfettin Erol we TDIM-iň HGI-nyň Strategik barlaglar boýunça ylmy merkeziniň başlygy Şiriýew Şiri ýolbaşçylyk etdiler.
Duşuşygyň barşynda sebitde we dünýäde bolup geçýän syýasy wakalara seljerme bermegi merkezleriň baş wezipeleriniň hataryndadygy we taýýarlanylýan analitik synlaryň krizisli ýagdaýlaryň ýüze çykmagynyň öňüni almaga täsir etmelidigi barada nygtaldy. Şeýle hem taraplar merkezleriň arasyndaky hyzmatdaşlygyň ýola goýulmagynyň hukuk binýady bolup hyzmat etjek “Özara hyzmatdaşlyk etmek hakynda Ähitnamanyň” taýýarlanylmagynyň zerurdygyny bellediler. Şunuň bilen baglylykda, türk tarapy agzalan resminamanyň türkmen tarapyndan hödürlenen taslama görnüşiniň ýakyn günlerde Türkiýe Respublikasynyň Daşary işler ministrliginde ara alnyp maslahatlaşyljakdygyny mälim etdi.
Duşuşygyň ahyrynda taraplar özara geçirilýän duşuşyklaryň merkezleriň işiniň öňe ilerlemegine, şeýle-de sebite we dünýä howp salýan wehimlere garşy göreşmek babatda tagallalaryň utgaşdyrylmagyna oňyn täsirini ýetiriljekdigine ynam bildirdiler.
Aýlar ATAJYKOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.