Global ýylylygyň Merkezi Aziýa edýän täsiri barada onlaýn konferensiýa
2022-nji ýylyň 17-nji noýabrynda Türkmenistanyň Daşary işler ministrliginiň Halkara gatnaşyklary institutynda global ýylylygyň Merkezi Aziýa edýän täsiri barada onlaýn konferensiýa geçirildi.
Bu onlaýn konferensiýa ISMI müdiriniň orunbasary, gaznanyň wekili
A.Nematow, Merkezi Aziýa Halkara Institutynyň başlygy, Özbegistan Respublikasynyň Ekologiýa we daşky gurşawy goramak boýunça döwlet komitetiniň, Gazagystanyň Strategiki gözlegler institutynyň, Özbegistan Respublikasynyň Suw serişdeleri ministrliginiň, Gyrgyz Respublikasynyň Milli Strategiki Barlaglar Institutynyň wekilleri gatnaşyp, «Howanyň üýtgemeginiň Merkezi Aziýa täsiri: Sebitiň durnukly ösüşine garşy kynçylyklar we howplar» atly tema boýunça çykyş etdiler. Şeýle hem bu konferensiýada «Merkezi Aziýada howanyň üýtgemeginiň ýaramaz netijelerini ýeňip geçmek üçin sebit we halkara hyzmatdaşlygyň geljegi» atly tema boýunça Ykdysady gözleg we özgertmeler merkeziniň (Özbegistan), Täjigistan Respublikasynyň Prezidentiniň ýanyndaky Strategiki barlaglar merkeziniň, Özbegistan Respublikasynyň Adatdan daşary ýagdaýlar ministrliginiň, Özbegistan Respublikasynyň Oba hojalyk ministrliginiň, Türkmenistanyň Daşary işler ministrliginiň Halkara gatnaşyklary institutynyň Strategiki gözlegler merkeziniň wekilleri çykyş edip, bu ugurda alnyp barylýan işler barada giňişleýin gürrüň berdiler.
Şirin HANMÄMMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 2-nji ýyl talyby