“Gerçek ýigit” bäsleşiginiň institut tapgyry geçirildi
2023-nji ýylyň 26-njy aprelinde Türkmenistanyň Daşary işler ministrliginiň Halkara gatnaşyklary institutynda "Gerçek ýigit" atly bäsleşigiñ institut tapgyry geçirildi. Oňa milli diplomatiýanyň ýokary okuw mekdebiniň talyp oglanlary gatnaşdylar.
Bäsleşigiň barşynda ýaryşyň birinji şertine laýyklykda talyp yigitler özleriniñ hünärleriniñ jemgyýetdäki ornuny çeper okaýyşlarda beýan etdiler. Ýaryşyň ikinji şertini ýerine ýetirmegiň dowamynda talyplar
"Arkadag Serdarly bagtyýar ýaşlar ýyly" bilen baglanyşykda özleriniñ sungata we döredijilige bolan ukyplaryny görkezmekde bäsleşdiler. Olar türkmen ýigidine mahsus bolan ruhubelentlik, edermenlik, mertlik, adalatlylyk ýaly häsiýetleri açyp görkezmek ugrunda janly ses bilen aýdym aýtdylar, saz çaldylar, sahna oýunlaryny ýerine ýetirdiler. Bäsleşigiñ üçünji şertine görä bolsa ýigitler ýekelikde şorta sözleri aýtmakda ýaryşdylar.
Çekeleşikli geçen bäsleşikde institutymyzyñ "Gerçek ýigidi" adyna Halkara žurnalistikasy fakultetiniñ 1-nji ýyl talyby Kakamyrat Akmyradow mynasyp boldy. Şeýle hem bäsleşikde birinji orny Halkara gatnaşyklary fakultetiniñ 1-nji ýyl talyby Hudaýberdi Rozykow, ikinji orny Halkara hukugy fakultetiniñ 1-nji ýyl talyby Babamyrat Guwanjow, üçünji orny bolsa Halkara ykdysady gatnaşyklary fakultetniň 1-nji ýyl talyby Ýagşymyrat Öwezow eýelemegi başardylar.
Ýaryşda ýeňiş gazanan talyp ýigitlere gymmat bahaly sowgatlar gowşuryldy.
Söýün ALLAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 1-nji ýyl talyby.
https://ashgabat.in/2023/04/29/tdimhgi-institut-tapgyrynyn-gercek-yigidini-saylady/