GENDER DEŇLIGINE GÖNÜKDIRILEN DOLANDYRYŞ BOÝUNÇA DÖWLET GULLUKÇYLARY ÜÇIN OKUW MASLAHATY
2023-nji ýylyň 29-30-njy maýy aralygynda BMG-niň Ösüş Maksatnamasynyň Türkmenistandaky wekilhanasynyň gurnamagynda Türkmenistanyň döwlet, hukuk we demokratiýa instituty bilen BMG-niň Ösüş Maksatnamasynyň arasyndaky «Türkmenistanyň adam hukuklary boýunça 2021-2025-nji ýyllar üçin hereketleriň milli meýilnamasynyň durmuşa geçirilmegine ýardam etmek» taslamasynyň çäklerinde Gender deňligine gönükdirilen dolandyryş boýunça döwlet gullukçylary üçin okuw maslahaty geçirildi. Okuw maslahatynyň maksady gender deňligine gönükdirilen dolandyryş boýunça döwlet gullukçylary üçin okuw meýilnamasyny tayýarlamaga yardam bermek bolup durýar. Okuw maslahatyna Türkmenistanyň Baş prokuraturasynyň, Türkmenistanyň Ýokary kazyýetiniň, Türkmenistanyň Adalat ministrliginiň, Türkmenistanyň Içeri işler ministrliginiň, Türkmenistanyň Bilim ministrliginiň, Türkmenistanyň Prezidentiniň ýanyndaky Döwlet gullugy Akademiýasynyň, Türkmenistanyň Döwlet hukuk we demokratiýa institutynyň, Türkmenistanyň Milli bilim institutynyň, Türkmenistanyň Içeri işler ministrliginiň institutynyň, Halkara ynsanperwer ylymlary we ösüş uniwersitetiniň, Türkmenistanyň Daşary işler ministrliginiň Halkara gatnaşyklary institutynyň, Magtymguly adyndaky Türkmen döwlet uniwersitetiniň, Adalatçynyň diwanynyň, Aşgabat şäher adwokatlar kollegiyasynyň wekilleri gatnaşdy. Okuw maslahatynyň dowamynda gender deňligi, Türkmenistanda durmuşa geçirilýän gender syýasaty, gender seljermesi we statistikasy ýaly temalaryň üstünde durlup geçildi. Bu okuw maslahaty gender deňligi boýunça okuw sapaklaryny geçmekde toplanan tejribäniň giňelmegine we baýlaşdyrylmagyna goşant goşdy.
Töfe HOŞANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara jemagat hukugy ugrunyň magistranty.