“Gelse Nowruz äleme, reň kylar jahan peýda” atly geçirilen sergi
2023-nji ýylyň 15-nji martynda Türkmen döwlet binagärlik-gurluşyk institutynda Milli bahar baýramy – Halkara Nowruz güni mynasybetli institutyň Tehnologiýalaryň transfer merkeziniň gurnamagynda professor-mugallymlar we talyp ýaşlar tarapyndan taýýarlanan taslamalaryň we işläp taýýarlamalaryň “Gelse Nowruz äleme, reň kylar jahan peýda” atly sergi-ýarmarkasy geçirildi. Bu dabaraly sergä Türkmenistanyň Daşary işler ministrliginiň Halkara gatnaşyklary institutynyň talyplary hem gatnaşdy. Bu sergi-ýarmarkasynda görkezilen önümleriň içinde Türkmen döwlet binagärlik-gurluşyk institutynyň dürli ugurlary boýunça taýýarlanan taslamalaryň maketleri, türkmen halkymyzyň baý taryhyny, özboluşly binagärlik sungatyny şöhlelendirýän, şeýle hem döwrüň talaplaryna laýyk gelýän dürli görnüşdäki önümleriň birnäçesi görkezildi.
Aýläle HEMRANAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.