“Gahryman Arkadagymyzyň “Ýaşlara gutlag” eseri – bagtyýar ýaşlaryň belent senasy” atly hoşallyk maslahaty
2023-nji ýylyň 13-nji martynda Türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadagymyzyň “Ýaşlara gutlag” atly aýdymy mynasybetli Türkmenistanyň Daşary işler ministrliginiň Halkara gatnaşyklary institutynda professor-mugallymlaryň we talyp ýaşlaryň gatnaşmaklarynda “Gahryman Arkadagymyzyň “Ýaşlara gutlag” eseri – bagtyýar ýaşlaryň belent senasy” atly hoşallyk maslahaty geçirildi. Maslahaty institutyň okuw işleri boýunça prorektory Gülşat Ýusupowa alyp bardy.
Maslahatda institutyň öňdebaryjy mugallymlary we ýaş şahyrlary türkmen halky tarapyndan gyzgyn garşylanan, Gahryman Arkadagymyzyň ýiti galamyndan dörän ajaýyp eseriniň ýurdumyzyň ýaşlaryny belent maksatlara ruhlandyrýandygyny, öwüt-ündewe baý görelde mekdebi bolup hyzmat edýändigini buýsanç bilen nygtadylar. Bilbil owazy bahar paslynyň buşlukçysy hasaplanýan bolsa, bu gün türkmen halky üçin baharyň mylaýym sesli buşlukçysyna öwrülen, gysga setirlerinde umman deýin many gizlenen Gahryman Arkadagymyzyň “Ýaşlara gutlag” eseri geljekki ýaş nesillere ýol görkeziji şamçyraga öwrüldi.
Maslahatyň dowamynda oňa gatnaşyjylar häzirki döwürde ýaşlaryň kämil şahsyýetler bolup ýetişmekleri, sazlaşykly ösüşi bilen baglanyşykly ähli meseleleri hemişe üns merkezinde saklaýan Gahryman Arkadagymyza, ýaşlara geljegi gurujylar hökmünde ýokary ynam bildirýän Arkadagly Serdarymyza alkyş sözlerini beýan etdiler.
Hatyja DÖWLETNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň IV ýyl talyby.