Gahryman Arkadagymyzyň Hytaý Halk Respublikasyna amala aşyran iş saparyna bagyşlanan hoşallyk maslahaty
2023-nji ýylyň 26-njy oktýabrynda Türkmenistanyň Daşary işler ministrliginiň Halkara gatnaşyklary institutynda Gahryman Arkadagymyzyň Hytaý Halk Respublikasyna amala aşyran iş saparyna bagyşlanan hoşallyk maslahaty geçirildi.
Oňa Türkmenistanyň Daşary işler ministrliginiň Halkara gatnaşyklary institutynyň professor-mugallymlary, talyp ýaşlary we birnäçe myhmanlar gatnaşdylar. Hoşallyk maslahatyny institutyň okuw işleri boýunça prorektory Gülşat Ýusupowa alyp bardy hem-de “Zenan kalby” žurnalynyň baş redaktory Maýsa Taýjykowa, Türkmenistanyň Daşary işler ministrliginiň Halkara gatnaşyklary institutynyň mugallymlary Perhat Çaryýew, Gülälek Çopanowa, Merjen Durdyýewa, Halkara žurnalistikasy fakultetiniň talyby Gurbansähet Gurbansähedow Türkmen halkynyň Milli Lideri, Türkmenistanyň Halk Maslahatynyň başlygy Gahryman Arkadagymyzyň Hytaý Halk Respublikasyna amala aşyran iş sapary barada giňişleýin çykyş etdiler. Duşuşygyň dowamynda Gahryman Arkadagymyzyň türkmen medeniýetini dünýä ýaýmak boýunça durmuşa geçiren işleri, Hytaý Halk Respublikasynda iş saparynyň dowamynda umumadamzat ähmiýetli öňe süren başlangyçlary barada giňişleýin gürrüň edildi. Mundan başga-da Hytaý Halk Respublikasynyň Başlygy Si Szinpiniň sebitleýin goşulyşmagy çuňlaşdyrmak, söwdany ösdürmek we ykdysady ösüşi gowulandyrmak üçin guryýer hem-de deňiz ýollary arkaly Aziýa yklymyny Afrika we Ýewropa bilen birleşdirmegi göz öňünde tutýan maksatnamasy barada hem bellenilip geçildi. Maslahatyň ahyrynda oňa gatnaşyjylar tarapyndan döredip berilýän giň mümkinçilikler üçin Gahryman Arkadagymyza, Arkadagly Gahryman Serdarymyza alkyş sözleri aýdyldy.
Aýgül HAÝYTOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.