GADYMY NUSAÝ GALASYNA GYZYKLY GEZELENÇ
2022-nji ýylyň 27-nji aprelinde Türkmenistanyň Daşary işler ministrliginiň Halkara gatnaşyklary institutynyň Ýaş diplomatlaryň mekdebiniň agzalarynyň gatnaşmagynda ÝUNESKO-nyň Bütindünýä medeni mirasynyň sanawyna girizilen «Nusaýyň Parfiýa galalary» döwlet medeni-taryhy ýadygärligine gezelenç gurnaldy. Gezelenjiň çäginde Parfiýanyň diplomatik gatnaşyklaryna bagyşlanan göçme okuw sapagy hem geçirildi.
Mekdep okuwçylary bu ýerde gadymy dünýäniň beýik döwletleriniň biri bolan Parfiýa döwletiniň maddy medeniýetini we sungatyny özüniň arheologiýa gatlaklarynda saklap galan Köne we Täze Nusaý galalary bilen tanyşdylar. Gezelenjiň dowamynda “Nusaý” taryhy-medeni döwlet goraghanasynyň wekilleri galanyň taryhy barada gatnaşyjylara örän gyzykly maglumatlary gürrüň berdiler.
Gadymy ýadygärliklere gezelenç ediliş okuwçylarda taryhymyza, ata-babalarymyza, milli aýratynlyklarymyza bolan buýsanç duýgularyny döretdi. Gezelenjiň ahyrynda oňa gatnaşyjylar ýurdumyzda ýaş nesilleriň her biriniň ukyp-başarnyklaryny, zehin aýratynlyklaryny açyp görkezmäge, watançy ýaşlar bolup ýetişmäge döredilýän giň mümkinçilikler üçin Arkadagly Serdarymyza alkyş sözlerini aýtdylar.
Aýgül MEREDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.