30/11/-0001
459
Hormatly Prezidentimiziñ Bahreýn Patyşalygyna resmi saparynyñ jemleri boýunça maslahat geçirildi
2023-nji ýylyň 23-nji fewralynda Türkmenistanyň Daşary işler ministrliginiň Halkara gatnaşyklary institutynda Hormatly Prezidentimiziñ Bahreýn Patyşalygyna resmi saparynyñ jemleri boýunça maslahat geçirildi. Maslahata Türkmenistanyň Daşary işler ministrliginiň Halkara gatnaşyklary institutynyň rektory Jumamyrat Gurbangeldiýew, professor mugallymlar hem-de talyp ýaşlar gatnaşdylar. Çykyşlarda esasan Türkmenistanyň Prezidenti Serdar Berdimuhamedowyň Bahreýniň Patyşasy Şeýh Hamad bin Isa Al Halifa bilen duşuşygyň çäklerinde iki dostlukly ýurtlaryň arasynda diňe bir söwda-ykdysady ulgamda däl, eýsem medeni-ynsanperwer ulgamlarda hem häzirki döwrüň ýagdaýlary, gatnaşyklaryň uly mümkinçiligi nazara alnyp, özara bähbitli hyzmatdaşlygyň ileri tutulýan ugurlary barada durlup geçildi. Şeýle hem bu resmi sapar Garaşsyz, Bitarap Türkmenistanyň dünýäniň ähli döwletleri bilen, şol sanda arap dünýäsiniň ýurtlary bilen netijeli gatnaşyklary ösdürmegi ugur edinýän syýasatyny durmuşa geçirmekde nobatdaky ädime öwrülýändigi we iki ýurduň halklaryny baglanyşdyrýan dost-doganlyk we ruhy taýdan ýakynlyk gatnaşyklaryna esaslanýan, umumy abadançylygyň bähbidine giň gerimli hyzmatdaşlygy ösdürmäge gönükdirilen döwletara gatnaşyklary hakynda ara alyp maslahatlaşdylar.
Maslahatyň ahyrynda oňa gatnaşyjylar ýurdumyzda we dünýäde parahatçylygy we howpsuzlygy saklamakda alyp barýan parasatly daşary syýasaty üçin Gahryman Arkadagymyza, hormatly Prezidentimize hoşallyk sözlerini aýtdylar.
Uzukjemal ANNAMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.