«Energetika diplomatiýasynyň syýasy we ykdysady jähtleri» atly tema boýunça okuw sapagy
2022-nji ýylyň 25-nji martynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň gurnamagynda energetika diplomatiýasy boýunça okuw sapagy geçirildi. Okuw sapagyna institutymyzyň talyp ýaşlary we Ýagşygeldi Kakaýew adyndaky Halkara nebit we gaz uniwersitetiniň talyplary wideoaragatnaşyk arkaly gatnaşdylar. Bu okuw sapagy «Energetika diplomatiýasynyň syýasy we ykdysady jähtleri» atly tema boýunça geçirildi. Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary we diplomatiýa kafedrasynyň mugallymy Akmuhammet Jumagulyýew dünýäniň energetikasynyň ösüşine täsir edýän faktorlar we bu babatda Türkmenistanyň alyp barýan halkara hyzmatdaşlygy ýaly ugurlaryna bagyşlanan tema boýunça çykyş etdi. Sapagyň dowamynda talyp ýaşlar tema degişli özlerini gyzyklandyrýan soraglaryny berdiler.
Kerim BAÝMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.