Energetika diplomatiýasy boýunça okuw sapagy geçirildi
2022-nji ýylyň 22-nji aprelinde Türkmenistanyň Daşary işler ministrliginiň Halkara gatnaşyklary institutynda Ýaş diplomatlar mekdebiniň agzalarynyň gatnaşmagynda Energetika diplomatiýasy boýunça okuw sapagy geçirildi. Bu okuw sapagy institiutyň Halkara gatnaşyklary we diplomatiýa kafedrasynyň mugallymy Rahym Akmuradow alyp bardy.
Sapagyň barşynda ýurdumyzyň daşary syýasatynda Energetika diplomatiýasynyň derwaýyslygy we ony ösdürmekde ýurdumyzda alnyp barylýan işler barada söhbetdeşlik guraldy.
Energetika diplomatiýasy häzirki zaman diplomatiýasynyň iň täze işleýän ugry. Soňky ýyllarda onuň energiýa pudagynda tutýan orny yzygiderli artýar we halkara giňişliginde şeýle hem sebitde ykdysady bähbitler üçin gural bolup hyzmat edýär.
Maral KARLYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.