Edep — terbiýäniň gözbaşy
2022-nji ýylyň 28-nji ýanwarynda Türkmenistanyň Daşary işler ministrliginiň Halkara gatnaşyklary institutynda ýaşlaryň arasynda terbiýeçilik işlerini güýçlendirmek maksady bilen Türkmenistanyň Bilim ministrliginiň, Türkmenistanyň hukuk goraýjy edaralarynyň, Türkmenistanyň Magtymguly adyndaky Ýaşlar Guramasynyň Merkezi Geňeşiniň guramagynda wagyz-ündew maslahaty geçirildi. Bu maslahata Türkmenistanyň Bilim ministrliginiň, Türkmenistanyň hukuk goraýjy edaralarynyň, Türkmenistanyň Magtymguly adyndaky Ýaşlar Guramasynyň Merkezi Geňeşiniň wekilleri, şeýle hem institutyň professor-mugallymlary we talyp ýaşlary gatnaşdylar.
Maslahatda çykyş edenler ýurdumyzda ýaşlary watansöýüjilik ruhunda terbiýelemek, jemgyýetde ýüze çykýan dürli nogsanlyklardan, zyýanly endiklerden daşda durmaklaryny gazanmak, sagdyn durmuş ýörelgelerine eýermek, sportuň dürli görnüşleri bilen meşgullanmak ýaly meselelere aýratyn uly ähmiýet berilýändigini nygtadylar.
Çykyş edenleriň bellemeklerine görä, ýurdumyzda ýaşlaryň hukuk bilimlerini artdyrmakda, olaryň hukuk we kanuny bähbitlerini goramakda, halkymyzyň döwletlilik ýörelgelerini, milli däp-dessurlarymyzy giňden wagyz etmekde alnyp barylýan işler oňyn netijelerini berýär.
Wagyz-nesihat çäresiniň ahyrynda oňa gatnaşanlar ýurdumyzda sagdyn durmuş ýörelgesiniň içgin ornaşmagy ugrunda ähli mümkinçilikleri döredip berýän hormatly Prezidentimize alkyş sözlerini aýtdylar.
Mähriban GANDYMOWA,
Türkmenistanyň Daşary işler ministrliginiň
Halkara gatnaşyklary institutynyň mugallymy.