DUŞUŞYK GEÇIRILDI
2025-nji ýylyň 22-nji ýanwarynda Türkmenistanyň Daşary işler
ministrliginiň Halkara gatnaşyklary institutynda bu ýokary okuw mekdebiň Ilkinji
zenanlar guramasynyň guramagynda institutyň talyp ýaşlarynyň arasynda
Gahryman Arkadagymyzyň «Hakyda göwheri» atly kitabynyň terbiýeçilik
ähmiýeti hakynda duşuşyk geçirildi.
Bu duşuşyga Aşgabat şäheriniň 51-nji orta mekdebiniň mugallymy,
Türkmenistanyň Zenanlar birleşiginiň Merkezi Geňeşiniň işjeň agzasy Ogulnabat
Owlakowa, institutyň Halkara ykdysady gatnaşyklary kafedrasynyň mugallymy
Sülgün Nepesowa, şeýle-de institutyň talyplary we mugallymlary gatnaşdylar.
Duşuşygyň dowamynda myhmanlar Gahryman Arkadagymyzyň türkmeniň
baý maglumatlaryny özünde jemleýän «Hakyda göwheri» atly kitabynda diňe bir
gymmatly taryhy maglumatlar ýerleşdirilmän, eýsem, Berkarar döwletimiziň
eşretli zamanasyna buýsanjyň-da beýany bolup durýandygyny, ýurdumyz dünýäde
deňi-taýy bolmadyk nepis halylaryň, senetçiligiň, zergärligiň gadymy mekany
bolandygyny nygtaýan ylmy maglumatlaryň ýerleşdirilendigi hakynda gürrüň
etdiler.
Mahym KAKAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.