“Durnukly Ösüş Maksatlaryny amala aşyrmak boýunça nesilleriň dialogy” atly iş maslahaty
2022-nji ýylyň 30-njy sentýabrynda Birleşen Milletler Guramasynyň Aşgabatdaky wekilhanasynda “Durnukly Ösüş Maksatlaryny amala aşyrmak boýunça nesilleriň dialogy” atly iş maslahaty geçirildi. Bu maslahata Türkmenistanyň Zähmet we ilaty durmuş taýdan goramak ministrliginiň, Sport we ýaşlar syýasaty ministrliginiň we onuň welaýat sport we ýaşlar syýasaty Baş müdirlikleriniň, Magtymguly adyndaky Ýaşlar guramasynyň Merkezi Geňeşiniň, Zenanlar birleşiginiň Merkezi Geňeşiniň, Aşgabat, Daşoguz hem-de Türkmenabat şäher häkimlikleriniň wekilleri hem-de BMG-niň Durnukly Ösüş Maksatlarynyň Ýaş ilçiler bäsleşiginiň ýeňijileri gatnaşdylar.
Maslahatda ýaşuly adamlaryň Durnukly Ösüş Maksatlaryny amala aşyrylyşyna goşýan goşantlary ara alnyp maslahatlaşyldy. Maslahatyň ahyrynda oňa gatnaşyjylara ýadygärlik sowgatlar gowşuryldy.
Ýupar EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň II ýyl talyby,
Durnukly Ösüş Maksatlarynyň Ýaş ilçisi.