DÜNÝÄ ÇEMPIONATYNDA 2-NJI ALTYN MEDAL
Berkarar döwletiň täze eýýamynyň galkynyşy döwründe halkara derejeli türgenleri taýýarlamak Türkmenistanda 2021-2025-nji ýyllarda bedenterbiýäni we sporty goldamak hem-de ösdürmek boýunça Milli maksatnamanyň, beýleki döwlet maksatnamalarynyň esasy ugurlarynyň biri hökmünde kesgitlenildi. Türkmen türgenleriniň iri halkara ýaryşlaryna gatnaşmagy ýurdumyzyň sportunyň dünýä ýüzünde gazanýan üstünlikleriniň aýdyň subutnamasy bolup durýar. Şeýle üstünlikleriň birine hem Türkmenistanyň Daşary işler ministrliginiň Halkara gatnaşyklary institutynyň Halkara hukugy fakultetiniň 1-nji ýyl talyby Ýusup Garajaýew mynasyp bolup, 9 - 11-nji sentýabr aralygynda Çehiýanyň Pardubis şäherinde geçirilen şotokan karate boýunça dünýä çempionatynda altyn medaly gazanmagy başardy. Talybymyzy bu üstünligi bilen gutlap, oňa mundan beýläk hem uly üstünlikleriň ýaran bolmagyny arzuw edýäris. Ýeri gelende bellesek bu talybymyzyň ikinji altyn medalydyr. Ol birinji altyn medala golaýda Berlin şäherinde geçirilen halkara ýaryşynda mynasyp bolupdy.
Töfe HOŞANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara jemagat hukugy ugrunyň magistranty
Gülsenem HOMMADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hususy hukugy ugrunyň magistranty