Döwlet muzeýine guralan gezelenç
2021-nji ýylyň 9-njy iýunynda Türkmenistanyň Bilim ministrliginiň, Türkmenistanyň Zenanlar birleşiginiň Merkezi geňeşiniň guramagynda Türkmenistanyň Daşary işler ministrliginiň Halkara gatnaşyklary institutynyň mugallymlary hem-de talyp ýaşlary Türkmenistanyň Döwlet medeniýet merkeziniň Döwlet muzeýine gezelenç etdiler. Gezelenjiň dowamynda talyplar Döwlet muzeýiniň Etnografiýa we ülkäni öwreniş muzeýine, Türkmenistanyň taryhy muzeýine hem-de Türkmenistanyň Prezidentiniň muzeýine aýlandylar hem-de Milletiň käbesi Ogulabat ejäniň öz baldyzyna toý sowgady hökmünde tiken kürtesiniň keşdesiniň sünnäläp edilendigine, ýarym asyr wagtyň geçendigine garamazdan el işiniň hem-de kürtäniň ketenisiniň reňkiniň üýtgemän galandygyny synladylar. Şeýle hem gadymy türkmenleriň ýaşaýyş durmuşy, gündelik durmuşynda ulanan esbaplary we gurallary, ýurdumyzyň çäginde geçirilen gazuw-agtaryş işleri döwründe tapylan desgalaryň taryhy we olara ylmy taýdan seljerme berlişi, Türkmenistanyň hormatly Prezidentine daşary ýurtlardan berlen sowgatlar barada giňişleýin maglumat aldylar.
Hatyja DÖWLETNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Hallkara hukugy fakultetiniň II ýyl talyby.