DOSTLUKLY GATNAŞYKLARA BAGYŞLANAN OKUW SAPAGY
2025-nji ýylyň 9-njy oktýabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň we Malaýziýanyň arasyndaky dostlukly gatnaşyklara bagyşlanan okuw sapagy geçirildi. Okuw sapagyny Malaýziýadan gelen wekiliýetiň ýolbaşçysy, Malaýziýanyň premýer-ministriniň uly syýasy sekretary, jenap Datuk Seri Şamsul Iskandar Mohd Akin geçirdi we oňa institutymyzyň talyplary gatnaşdylar.
Okuw sapagyň dowamynda Türkmenistanyň we Malaýziýanyň arasyndaky gatnaşyklaryň, medeni-ynsanperwer ulgamlarynda ikitaraplaýyn we köptaraplaýyn hyzmatdaşlygyň has-da ösýändigi we giňelýändigi bellenip geçildi. Şeýle hem bilim, sport, syýahatçylyk we nebit-gaz ulgamlaryny goldamak boýunça amala aşyrylýan bilelikdäki taslamalaryň hem-de maksatnamalaryň işjeňleşýändigi aýratyn bellenip geçildi.
Okuw sapagynyň ahyrynda talyplar Malaýziýadan gelen wekiliýetiň ýolbaşçysy, Malaýziýanyň premýer-ministriniň uly syýasy sekretary, jenap Datuk Seri Şamsul Iskandar Mohd Akinden Türkmenistan bilen Malaýziýanyň arasyndaky dostlukly we özara bähbitli hyzmatdaşlygy has-da ösdürmäge gönükdirilen sowallara jogap aldylar.
Guwanç ALIÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.