“Dostlukly döwletleriň hyzmatdaşlygy – halkara gatnaşyklaryň dabaralanmagy” atly maslahat
2022-nji ýylyň 17-nji dekabrynda Türkmenistanyň Daşary işler ministrliginiň Halkara gatnaşyklary institutynda 2022-nji ýylyň 14-nji dekabrynda “Awaza” milli syýahatçylyk zolagynda Türkmenistanyň, Azerbaýjan Respublikasynyň, Türkiýe Respublikasynyň döwlet baştutanlarynyň birinji üçtaraplaýyn sammitine bagyşlanyp, “Dostlukly döwletleriň hyzmatdaşlygy – halkara gatnaşyklaryň dabaralanmagy” atly maslahat geçirildi.
Maslahata Türkmenistanyň Milli Geňeşiniň Halk Maslahatynyň Halkara meseleler baradaky komitetiniň başlygy Mähri Bäşimowa, Türkmenistanyň Milli Geňeşiniň Mejlisiniň Halkara we parlamentara aragatnaşyklar baradaky komitetiň başlygy Merdan Tuwakow, Türkmenistanyň Prezidentiniň ýanyndaky Döwlet gullugy akademiýasynyň mugallymy Gülşirin Hanowa, şeýle hem institutyň professor-mugallymlary we talyp ýaşlary gatnaşdylar.
Maslahatyň dowamynda üçtaraplaýyn sammitiň syýasatda, ykdysadyýetde, medeni-ynsanperwer ulgamda gatnaşyklaryň sazlaşykly we utgaşykly ösmegi ugrunda täsirli çykyşlar edildi.
Maslahatyň ahyrynda Watanymyzyň geljegi bolan ýaş nesillere uly ynam bildirýän, eziz Diýarymyzy ylmyň-bilimiň pajarlap ösýän ýurduna öwürmek ugrunda taýsyz tagallalary edýän hormatly Prezidentimize alkyş sözleri belentden ýaňlandy.
Resul GYLYJOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 2-nji ýyl talyby.